أهلا وسهلا ومرحبا إلى صحيفتنا
01 / 01

أهلا وسهلا ومرحبا إلى صحيفتنا

Саҳифамизга хуш келибсиз, марҳабо!

11. Эъроб хиллари

Category: 44 қоида Written by Administrator

أنواع الإعراب
Эъроб (сўз охирида ҳаракат ва ҳарфларни ифодалаш) хиллари

"Агар" охири ўзгарадиган сўзлар феъл бўлса, унинг ўзгариши замма, фатҳа ва сукун билан; исм бўлса, унинг ўзгариши замма, фатҳа ва касра билан бўлади. Замма билан ўзгариш рафъ, фатҳа билан ўзгариш насб, касра билан ўзгариш жар, сукун билан ўзгариш жазм деб аталади. Замма, фатҳа, касра ва сукун эъробнинг аслий аломатлари (қўшимчалари) дейилади.
Жумлаларнинг ўзгариши билан сўзларнинг охири ўзгариши бизга маълум. Бу сўзлар феъл ва исм туридан бўлади, ҳарфдан бўлмайди. Энди биз ўзгариш қандай ҳолатларда бўлишини билишимиз қолди. Билгинки, у ўзгаришлар тўртта: замма, фатҳа, касра ва сукундир.
Замма билан ўзгариш рафъ, фатҳа билан ўзгариш насб, касра билан ўзгариш жар, сукун билан ўзгариш жазм, деб номланади. Эъробнинг хиллари тўртта бўлиб, уларга: рафъ, насб, жар ва жазм дейилади. Жазм исмларга кирмаслигини билишимиз лозим бўлганидек, жарнинг ҳам феълларга кирмаслигини билишимиз керак.

ЭЛЕКТРОН ДАСТУРЛАР

Дарсликлар

Андроид дастурлар

Китобларни юклаш

МЕДИА ФАЙЛЛАР


Рейтинг@Mail.ru

АНВАР АҲМАД

GRAND TA'LIM нодавлат таълим муассасаси катта устози Анвар Аҳмад таълим даргоҳига асос солинган илк кунлардан бери фаолият юритади. Араб тили грамматикасида оид кўплаб дарслик ва адабиётлар тўпловчиси ва муаллифларидан.

arabic.uz сайтининг муҳаррири, "Риёзус солиҳийн", "Ал-Азкор", "Саодатга етакловчи ҳикматлар" ва бошқа кўплаб асарлар таржимони ва нашрга тайёрловчиси.

Анвар Аҳмад 1977 йилда таваллуд топган, оилали 4 нафар фарзанди бор. Миср Араб Республикасининг Азҳари Шариф, ал Азҳар институтлар бўлими, эъдодий ўрта-махсус билим юртини тамомлаган.

Шайх Муҳаммад Содиқ Муҳаммад Юсуф раҳимаҳуллоҳнинг шогирди. "Саҳиҳи Бухорий"дан шайх хазратларидан ижоза олган. “Олтин силсила” таржимонлар гуруҳининг аъзоси.

Аввал Миср Араб республикаси элчихонаси қошидаги фан ва таълим марказида араб тили ўқитувчиси, 2008 йилдан эса GRAND TA’LIM етакчи ўқитувчиларидан.

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, имом Замахшарий, Абдураҳмон Жомий каби бобокалонларимиз ижод қилган араб тили ва грамматикасига бўлган рағбатни қондириш, сақланаётган тарихий ва нодир қўлёзмаларни авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш.

БИЗ БИЛАН БОҒЛАНИШ:  [email protected]